|
XXVI. - AD MARIAM SOROREM
Ergo iter inceptum perges, soror: at quid oportet
auxilium precibus sollicitare meum?
Linquere, quod nimium est, gnatam me credis euntem
|
685 |
lapsantique piam posse negare manum?
XXVII. - AD MARIAM SOROREM
DE GRAMMATICA GRAECA
Vestibulum videas servare luposque leonesque,
ast intus Circes carmina longa sonant.
Ἐν
προθύροισι
λύκοι
κρατερώνυχες
ἠδὲ
λέοντες·
ἔνδον
δ’αὖ
Κίρκη
καλὸν
ἀοιδιάει.
XXVIII. - ELEGION
(EX SCHILLERO TRANSLATUM)
Emicat hic laticis saliens sublime columna:
desuper hic rauco murmure lympha cadit.
Im Hexameter steigt des Springquelles flüssige Säule,
Im Pentameter drauft fällt sie melodisch herab.
XXIX. - AD I. L.
DE SYLLOGE CARMINUM QUAE INSCRIBITUR
«MYRICAE»
|
690 |
Hanc humilem noli nimium contemnere silvam;
namque aliqua hic gracili gutture vernat avis.
XXX. - DE MYRICIS
En, si cena brevis memorem delectat Horati,
sive brevem, at sapidam, sive malam, at rapidam.
XXXI. - ADVERSARIIS INSCRIPTUM
Cum multi secter vestigia carminis, error
|
695 |
ipse sat et campus, ni data praeda, iuvat.
XXXII. - AD DIVINUM PUERUM
Sic pueros, o sancte puer, da casta docere
carmina, dilecta matre favente, mihi.
XXXIII. - MARIAE SORORI IOHANNES
Me malus ille meo dixit gaudere dolore:
tu scis ut doleant gaudia nostra, soror.
|